رجعان بن سالم الهرساني العوفي الحربي ........

بسم الله الرحمن الرحيم


قصيده للشاعر/ رجعان بن سالم الهرساني العوفي الحربي

شاعر كتب الشعر منذ الخامسه عشر من عمره

له العديد من القصائد التي تأسر القلوب

وأخترت لكم هذه القصيده








يامل قلبٍ قـام يدلـج بـي إدلاج
.........ويشكي ظروفٍ عند ربي فرجهـا

يبغى الطلوع ولا لقى درب منتـاج
..........وساج بمعاليق الضلـوع ونفجهـا

أعول عويل اللي من الولف مخلاج
...........اللـي ولدهـا بالمظامـي حنجهـا

كنّت اليـن ان الظمـا بكبدهـا لاج
...........وآخـر بلايلهـا ولدهـا لهجـهـا

قامت تمدرج له على الماء تمدراج
...........ولا قام طاح وخطوته مـا درجهـا

وأمست وجاها مسلوعٍٍ يمرج إمراج
...........وحجم عليها وعن ولدهـا فلجهـا

وقامت تلوج وتدرج الموقـع إدراج
...........حول الفريسه ما ابعـدت مدّرجهـا

قامت تسوهج من غبونه تسوهـاج
...........حر النمـا بمثنـاة كبـده سهجهـا

على الذي لا شفـت مثلـه ولا داج
...........في نظرتي والناس مارقى درجهـا

ابـو ثمـانٍٍ لأبتسـم بالتـبـلاج
...........تجهر الـى مـن الشفايـا بلجهـا

بيضٍ تلالا وسطها السوس ما داج
.........ولا تلثق الابـره بمفـرق فلجهـا

والعين فيها يطّـرد مثـل الأمـواج
..........سوداء ولو هو بالكحل ما دعجهـا

وخده صقل باللون من غير مكيـاج
..........وشقرن على مفرق متونه حدجهـا

وكلامه أحلى من شراشيـح هـدّاج
...........على الكبود اللـي بـراده بهجهـا

الشاعر : عيسى بن رجعان العوفي

يقول :

انا بادي باســــم الله الواحد المعبود=عزيز ليا ضاقت على الناس يدعونه
انا في رجاء اللي من ترجاه حاش الفود= انا في رجاء الله مرتجي واحد دونه
اله تجيه الخلق يوم الحســـاب وفود =وكل وما قدم لنفســــــــــــــه يلاقونه
ياربي الطفبي يوم جسـمي وضع للدود =على موضــــع حتى البشر مايمرونه
تنور لي المنزال مد البصـــر ممدود= وساعد ضعيف صكوا الباب من دونه
نسواه القرايب والحبايب ولامنشـــود= وحتى هله مع مر الايام ينســـــــــونه
ومن طاع ربه عاش عيشة هنا واسعود=ولو حاولوا كل الاوادم يضــــــــرونه
يعيش بسعاده عصر دنياه والمقصــود=ليا مات يضحك يوم اهاليه يبكـــــونه
تجيه البشــاير بالفرح قبل بيت الدود= وقدام ربعه للمغســـــــــــــــل يودونه
ســــعاد سعاده كل ماتمتني موجود =مع الحور تنعم واستمع صافي لحونه
تقابل حبــايب كنت معهم قبل موجود=من اهلك من اللي كل فرض يصلونه
تذوق الامــان اللي منول معك مفقود =تعيش الحياه اللي على طول مضمونه
حقيقه جليه واضحــه تقل عنها ارقود=نطـارد ورى دنيا مثل فلم كرتونه
بطول الامل نحسب وعمر الفتى معدود=حسايف تروح الروح والنفس مديونه

الشاعر :عبدالمحسن بن عيد الهرساني

يقول :


شي(ن) بدى يالربع له خاطري طاب=وأظهرت أنا من خاطري مابدالي

ونظمت فيها أبيات من زود الأعجاب=وعسى جميع أبياتنا بكتمالي

اللي بدى للعين والضوء ماغاب=شوف الفيافي والهظب
والسهالي

وغازلت نجم سهيل من بين الأعشاب=يوم ان ظلام الليل لي انسدالي

وسجيت انا بالنجم عن بعض الأصحاب=وذليت انا الشرهه تجر الزعالي

وكلش ولا شرهت كريمين الأنساب=اللي لهم بالفعل كل(ن)
حكالي

ومن قبل انا آقف ويتمددن الأعصاب=أوحيت لي شي وفكري انشغالي

سمعت صوت النجر والنجر جذاب=وزاد أبتهاجي يوم دقه
حصالي

يوم التفت وشفت نار(ن) بالأحطاب=وأسفل لهيب النار جمر أشتعالي

جلست حيد النار للكيف طلاب=ودلال حيد النار بالكيف
مالي

فنجالها يشدى كفوف(ن) بها خضاب= كف الهنوف اللي تكد
الجدالي

وسوالف(ن) يطرب لها كل طراب= يوم ان ولد اللاش عنها
شبالي