سعود بن دويلان العوفي .

هذه قصيده لشاعر / سعود بن دويلان العوفي
يرثي ابن عمه صلبي رغيان العوفي وهو غني عن التعريف بعد وفاته .


ياليتني جنبت ماجيت مرار **** هليت دمع العين مما طرالي
ذكرعليه سيرته عقب مشوار **** لقيت لي جود من النزل خالي
يادار وين اللي ربا فيك يادار **** اللي سكن بك من قديم الزماني
اللي ليا منه لفى البيت خطار **** ماهو بحاسب دقها والجلالي
هلا بهم ترحيبتن تشرح البال **** وقدم لهم ماكان بالبيت غالي
ودلال رسلان على ساخن النار **** في ربعة ينسق عليها الظلالي
وليا لفن عوص النظا جن عبار **** ينصن أبوتركي زعيم الرجالي
وليا لفن هلا بهن واشعل النار **** في مجلسه تلقى زحول الرجالي
في مجلسه تلقى طويلين الاشبار **** وسوالفن تسوا نقد الريالي
وقدم لهم كبش من الحيل مختار **** حطو السمين اللي بها الوفر مالي
وصينية يشبعبها الضيف والجار **** ماغيرنه معجزات الليالي
ياعابد الدنيا ترى الموت غدار **** دنياك ماتنفعك لجا الزوالي
ان كان ماتجعل وقايه عن النار **** في الساعه فيها تزول الجبالي
من هولها تشخص من الناس االابصار **** دم الولد تنساه لو كان غالي
تشهد عليك اعضاءك في كل ما صار **** لجيت عند الرب حفيان عاري
عساه لجنات في دار الابرار **** في جاه والي العرش منشي الخيالي
في جنة الفردوس بالحور يختار **** رحمة من الوالي عزيز الجلالي
وختامها صلوا على سيد الابرار **** نبينا المبعوث بالحق قالي