حمدي العوفي و بندر العوفي ((( محاورة )))

حمدي العوفي=
ياسلامي على حرب الحرابه عزاتي=ربعي اهل الوفا والطيب والمعجزاتي
في مجالسهم احقق جميع امنياتي=شوف كيف الهوا يلعب بقلب الهواوي
******************=****************
سلام يابندر الليله من اقصى الضمير=سلامن اليا بدا كل العرب تفصحه
قالو لي انك قبل شهرين صاير مدير=تكتب براس القلم والمشكله تمسحه




بندر العوفي=
أسفرت وأنورت والبدر نوّر سمانا=شعشع الكون من يوم ابن عمي لفانا
مرحبا وأنت مثلك غير يمشي معانا=شوف كيف الهوى يلعب بقلب الهواوي
******************=****************
يا مرحبا ترحيب أيشابه سلامك كثير=والفرق ترحبيتي زاد العرب تملحه
اسنين له - بندر العوفي - معالي وزير=لكنّ لا جاك جيب المبخرة وأنطحه


حمدي العوفي=
الليالي تبا تنبيك في كل حاجه=مار خلك هنيا وانتضر للمواجه
ودنا فالشداد ولانريد الحداجه=شوف كيف الهوا يلعب بقلب الهواوي
******************=****************
دام البقا والنوايا كلبوها تسير=في دربها والنتيجه تتبع المصلحه
لاكن بكره نبا ننطحك وانته مغير=وتشوفنا قدم عينك نرفع المسبحه



بندر العوفي=
العلم فوق رأسه نار كلٍ يشوفه=والمخفّى مخفّى محد يعرف وصوفه
طوف هذا المكان أن كان تقدر تطوفه=شوف كيف الهوى يلعب بقلب الهواوي
******************=****************
الطيّب اللي على وضح النقا ما يحير=وأن كان محتار ذاك الباب لا تفتحه
وقت الغزو يا وليد العم سيفي شطير=من يعترض دربنا بالسيف غير أذبحه


حمدي العوفي=
فالبدايه عرفت الدرب والدرب هين=وبعدها كل شين صعب لازم يلّين
وسهيل ياصاحبي ماكل ليل يتبين=شوف كيف الهوا يلعب بقلب الهواوي
******************=****************
ماحد وقف ياولد عمي وعضمه كسير=وانا بروس الجبال مجهز الاسلحه
قدمك بحر لاتحاول تحسبنه غدير=يطرحك موج البحر يالقرم ماتطرحه



بندر العوفي=
أنت توّك عرفت الدار وأهل المشالح=مير ليتك تفيد الناس كان أنت فالح
وألا أنا موقفي معروف بالحيييل صالح=شوف كيف الهوى يلعب بقلب الهواوي
******************=****************
يا حمدي أذهن صقور الصيد فوقك تطير=سدّاح لا شاف صيد بمخلبه يسدحه
والله ما شفنا بحور ولا سحابٍ غزير=مولود توّه عسى المولى لنا يصلحه


حمدي العوفي=
احمدالله عرفت الدار واعرف محلي=لكن اقول يابندر عليك امتعلي
شوفني فالسما حولت مثل المضلي=شوف كيف الهوا يلعب بقلب الهواوي
******************=****************
الصقر قدمه صقر والوضع ماهو خطير=وسداح ماطار مكسوره به الاجنحه
ومن لا يشوف البحور اكيد يسمع هدير=وبندر يغامر وانا اقول اله لاتسبحه



بندر العوفي=
تالي الوقت كلٍ قال : حنا وحنا..!=وأنت أظنك تحلّم مير لا تمتحنا
والبنادم يهذري عقب ظهره تحنّى=شوف كيف الهوى يلعب بقلب الهواوي
******************=****************
ما يعرف الفارس ألا اللي بعقله بصير=والزند جاهز لكني ما نويت أقدحه
حمدي يغامر ولا يعلم عن أتعس مصير=لكنّ من هو يعزه يا عرب ينصحه


وسلامتكم ..