أحدث الصور
الله على اللي لقتفى ظلـه عصيـر *** ونسافته قامـت تشـوت كفراتـه
عقب تبوك اخلاف ونقاد بالسيـر *** وذكر على رجعان ماضـي حياتـه
صوت المكينه مثل صوت العصافير *** بليل الشتى ونور الفجر شايفاتـه
الجيب متهمـه بعيـد المشاويـر *** ويـوم اتذكـر ياكثـر ذكرياتـه
ومن غيرها يالذيب من غيرها غير *** امـور ماتخفـى اللبيـب بحياتـه
محوفزن كنه قطامي يبـي يطيـر *** لشافلـه جولـن وهـن شايفاتـه
ثم طار طالبهن وطـارن مدابيـر *** وكلن تبي منـه النجـاه بحياتـه
وحول بقايدهن وراحـن شعاثيـر *** قوع الشجر من خوفهـن زابناتـه
و يا زين صوته مع خطاة المساعير ***الى لجلجـن هوس تقـل مطرباتـه
يهدر هدير اللي خـلاف المغاتيـر *** مفحلن فيهـن وهـن مـن بناتـه
الى هـدر تلفـتـن المياسـيـر *** ياقف نسمهن ليـن يبلـع لهاتـه
يسوقهن سوق البـدو للمضاهيـر *** عارف مشاهيهن وهـن عارفاتـه
عقب طلوع سهيل وقت المخاضير *** عشب الوسـم بفميهـن ذايقاتـه
ابي الى جـاد الـردي بالمعاذيـر *** يقدم الاعـذار عـن ذبـح شاتـه
تشوف بعيونـه وجهـه تعابيـر *** بخيـل مالـه مايطلـع زكـاتـه
يعقد حجاجـه لاشـاف المساييـر *** كنه يخسـر مرحبـا مـن حياتـه
سجه مع الروض الخضر والنواوير *** تسوى الردي واللي يخطب بناتـه
