الشاعر المبدع المميز : فراج بن محمود الصاعدي العوفي

عادل كتب:السلام عليكم ورحمة الله وبركاته


اما بعد :

هذه القصيد بالحروف المهمله (بدون نقاط)

نصــــــــــــها


ردوا سلام الـروح مـروا وردوه = لاهل الكرم واكرامهم كامل الود
عدوا كلام اهل الكرم عد عـدوه = طال السهر والصد ماعاد له حـد
واحد مسار وكـل ماسار سـدوه = واهل الحسد لاعلهم مالهـم عـد
راح الكرى والصدر للهم حدوه = والروح محور هم مصدر ومـورد
لوهو على مارادوا الصـرح هـدوه = الصرح صرح ولامطاوع لهم هـد
للعد روحو عـد مـورود وردوه = وهم الدهر لو صار ماصار ماصـد
محسود راع العلم والعلـم ودوه = واهل الطمع لا علموا صممـوا رد
كدّر وصدّر هم لو هـم عـادوه = محصور لوساهم وساعـد وهـدد
اهل الحسد لودرهمٍ راح مهـدوه = كالوا حسدهم كلل الصاع والمـد
ادوا حسدهم سر للعالـم ادوه = حطوا سلاسل حوطو محور العـد
راس السهام الهـم لوصد صـدوه = أول عصور الدهر ماحطم السـد
صارالحسدلاهل الحسد سلك مدوه = لاروح الـمـرار رده وعـــوّد
لاطالـع المـرار والـراس لـدوه = لدوا وروس ارماحهم مالهـا حـد
لو كل واحد كـاره السلـم ردوه = ماكرروا حساد لحساس الاحسد
مادوا حسدهم سر محصور مادوه = ماهو على ماراد حاسـد معمّـد
ماكل واحد ماسك العلم صـادوه = والله علمـه عـم علـمٍ موكـد
ماكادوا إلا واحدٍ صـد كـادوه = صدّه وردّه حاسدٍ حاول الصـد
للروح صرحٍ ساد مـروا ورودوه = والله رحوم اعطاه هو واسع المـد
مال الاوادم حمـد لوهـم رادوه = الحمـد لله هـو واحـد موحّـد
صلوا على المرسول والكل ودوّه = ودوا رسـول الله واسمـه محمـد


تم تعديل الاخطاء التي كانت في القصيده بسبب النقل وارجو من الاخوه القائمين على هذا المنتدى
عدم تكرار اخطاء النقل وارجو ان يكون هناك جدول لتنسيق القصائد حيث لايكتمل جمال القصيده إلا بتنسيقها وترتيبها الصحيح وتقطيع القصيده يسيئ للقصيده ولشاعرها ارجو الاحاطه بذلك
ولكم مني جزيل الشكر والاحترام كما انني اشكركم على اهتمامكم بنقل قصائدي في هذا المنتدي
ومن يريد المزيد من قصائدي يطلع على منتدى الصواعد قسم نظم القوافي ودواوين شعراء الصواعد
ارجو لكم التوفيق تقبلوا تحياتي الشاعر فراج محمود الصاعدي الحربي

عادل كتب: قصيده غزليه لشاعر

ونصها :

عاد النسيـم وعــادت امــطار وبــروق**لـــكــن شخـــصٍ كان ماعـــــاد ليــه
عاد الثـرى تنبت بــه اوراق واعـــروق**وتــهـــــصرت خضر الغصون النــديـه
واللي مابين الضلاعي العوج مسروق**ماعــاد يرجــــــع لوتحـــين المـــنيـه
قفى كــما تقفـي قطــيعٍ من النـــوق**قفو بــها العــدوان وقـــــت العشــيه
واضحت نهــابه بين سـايق ومسيـوق**ما وســمـت مجــــهـولةٍ وانـــــكريـه
على وليـفٍ مجــمع الحـسن والــذوق**واصــبح عذابــي باللــيال الشـــقيــه
ماهي بدواجه على سـاحت الســوق**من صـغرها ماشـــافت التــــمثــليــه
ترتــع مـفـالي تــقطــف الــورد واذوق**مـثل الغـــــــزال اللـي دياره عــذيــه
شربه قــراح وناحل الخــصر من فـوق**والمــــوت بين اعيـــونه الـنرجسـيـه
وان شافت اللي يطـرد الصيد بلــحوق**قالـــــت حشــى لله مانــي غـــبيــه
فزت عن ادروــبٍ بــها الغــدر والبـــوق*فزت ســهم من بــطن ذيك الرميه
رجلــي بــعدها تمسك الدرب واتـــوق**تشكي حفى والرجل مــاهي حفيـــه
من هاجــسٍ بالقلــب سره بصنـــدوق**حــارس عليه الصبــر مــن كــل نيــــه
واقــول طيب مخــــفي الهم والعــوق**والله يــــعـــلم بالـجـــروح الخـــفيـــه

القصيده غير كامله وغير مرتبه وغير منسقه من يريد الاطلاع على القصيده بشكلها
الصحيح يطلع عليها في منتدى قبيلة الصواعد ومنتدى قبيلة المطارفه من حرب

عادل كتب: وقصيده اخرا لشاعر

نصهـــــا :

وقلبي اللي تقـل يقلـى علـى نـار=صبرت لين الروح قـرّب خطرهـا
هذي ثمان اسنيـن ماجتنـي اخبـار=عن الحبيـب اللـي حياتـي دمرهـا
عيا الزمن يمحى عن القلـب تذكـار=والعين مـن طيفـه تزايـد سهرهـا
ياما صبرت اسنين واشهـور وادوار=عن ديرتي من يـوم خلـي هجرهـا
ان كان غبت وجيت ماشي مع الـدار=شفت الشلايل كـن لولـو حجرهـا
القلب شال اهمومه كبـار وصغـار=واضلـوع بالفـزات فـز وكسرهـا
قالوا تمنى قلـت وش لـون باختـار=رسمـة خيالـي ماتعـدد صورهـا
ياماحلى المجلاس بـورود وازهـار=يوم الليـال البيـض ساطـع قمرهـا
وسط الربيع وقـرّة العيـن الابكـار=اللـي جدايلهـا تغـطـي ظهـرهـا
حور العيون اللـي تمتـع للابصـار=خلقه مـن الخـلاق خالـق حورهـا
لوطالعت بالصقـر شيهـان ماطـار=تجهـر عيونـه مايحقـق نظـرهـا
اخشى علبها مـن خبيثيـن الانظـار=سـود الجدائـل لاتفـرّق شعـرهـا
واخشى عليه اليا لبس لبـس بـزر=اريجـرح نبـوتٍ دوب بـادي ثمرهـا
لوضفّـت الجلبـاب ماهـو بستـار=مثل الزبيـدي نابـتٍ فـي نحرهـا
محميـةٍ مابيـن ضامـر ومضمـار=مصيونـة الاثمـار محـدٍ عصرهـا
راعـي ثمـانٍ تقـل لولـو ومحّـار=عن سد نفنـوف أجهـرت ماسترهـا
لو كان حظي جابها فقـت الاسعـار=ادفـع حياتـي كلهـا فـي مهرهـا
ربمٍ ربـى مابيـن غابـات وانهـار=ترتـع مفالـي ثـم تقطـف زهرهـا
من دونها المرمول قصاف الاعمـار=نـارٍ بخبـه يـوم يقـدح شـررهـا
ويهل دمعـي كـل ماهلـت امطـار=يـم الديـار اللـي تقافـى مطرهـا
نقض جروحي كل بـرقٍ بالاسحـار=داره ربيـع وديرتـي فـي دهرهـا
اقنب كما سرحـان جايـع وصبـار=غير الضلوع ابكبدها مـع سحرهـا
واجاوب الورقـاء وهائـم بالاقفـار=دار السبـاع اللـي كثيـره جررهـا
انـا اشهـدٍ الوقـت لـفـاف دوار=ديـره يدمّرهـا وديــره عمـرهـا
اقلوب تبنـي مـن ملايـن الاشعـار=تخفيـف مـن وهـاج هـمٍ قهرهـا
واقلوب ماتدري عن الوقت وش صار=في لهوهـا مافكـرت فـي دهرهـا
اطلبـك يالمعبـود جنـات الابـرار=واتجيريني من نار لاهـب سعرهـا
تغفر اذنوبي وانـت للذنـب غفـار=ياخالـق الدنيـا ومسقـي شجرهـا

عادل كتب:وهذه قصيدة في الشاعر فراج الصاعدي

الشاعر : ابو راكان البركاني العوفي .*

سلام مثل النجم عالـي وينشـاف
ينصى ولد شـداد شاعـر قبيلـه
شاعر يمثل حرب باعـز ميقـاف
بعد أذنكـم ياهيـه هاتـوا مثيلـه
يابو راكان أرسل صواريخ من قاف
تشطر قلوب أهل الحسد بالصقيلـه
ياأهل الحسد للعمر قاضي وقصّاف
يمكن يشيل العمر بـرق المخيلـه
فراج شاعر كان تبغون الانصـاف
تشهد لبو راكان جمعٍ (ن) مهيلـه
هذا وأنا أدري ماعلى الشاعراخلاف
لكن أنـا عبّـرت بهـون وسيلـه


ورد الشاعر فراج في هذه القصيدة :

يامرحبا بالشاعر اللي على القـاف**يبنـي قصيـده والمعانـي جزيلـه
الروس روس ولا تفكر بالاطراف**راع الحسد لابد يلقـى حصيلـه
من لايقابل وجه الاخصام خواف**صوته بخلف الجدر مثـل الحليلـه
للبعض مصيافٍ وأنا لي مصيـاف**عزي لكم ياهل القلـوب الهبيلـه
لو وقّع العصفور للشعـر نتـاف**لوهو على راس الجمـل مادريلـه
هذاالحسدمعروف من عهدالاسلاف**واضّلع ثابـت والمسافـه طويلـه