الشاعر:عادل بن عبدالمحسن العوفي و الشاعر: فهد بن مطر الصاعدي

قصيدة أرسلها الشاعر :عادل بن عبدالمحسن الهرساني العوفي الى الشاعر : فهد بن مطر المطرفي الصاعدي

ويقول فيها :


مرحبا بالرجال اللي تعز الرجال *** الرجال اللي لها مقدار لرجالها
و بنشدك يالفهد يا وليد الـحلال *** ديرتك ياخوي الجنب كيف أحوالها
ما نقصر عليكم كان جانا المـجال *** و القوافل ترا باركات اجمالها
ثـم نبدا مغازينا ليا طـل الـهلال *** أنت يابووليد أعلومنا تقوالها
ليه خليتها تكرهك بنت الـحلال *** و روحت من عندكم ثم جت بخوالها
أنت عقلك غـدا على بنت الجمال *** يا فهد جالسن بالفيه أدربلها
الشحم فالوبر يـجـيب ألك الهبال *** مالكم حق بالنجغه ترا وعيالها
لا تطول على البنت جـيـب العيال *** حالتك ياولد مطلق ترا يرثالها
و خالك ابو مـحـمـد راعين لدلال *** و أنت راعي لدله معك فنجالها
و ثم نـخـتم بذكر الله عظيم الجلال *** والصلاه اللي على رسول أنقولها

ــــــــــــــــــــــــــــــــــــــــــــــــــــــــــــــــــــــــــــ

وجاء الرد من الشاعر : فهد بن مطر المطرفي العوفي

ويقول فيه :


البقا بالرجال اللي تـحـب العدال *** عد ما هلت مزونن مـن أخيالها
خذ علومي يا عادل مثل سلم الريال *** من خوين يـحيي بك على ادلالها
و أنت راع الوفا والطيب في كل حال *** ولد هـرسان نعناها و يعنالها
من ربوعن لـجـا بالوقت بعض الميال *** دايم الناس تنصاها و تمشيلها
تنشري خوتك و أنته عريب الـخـوال *** يوم بعض العرب ماينعرف حالها
قوم يا عادل و عجل بلم الـحـكـال *** ودنى نطرش الوديان و أجبالها
أزهم ابو مـحـمـد كان عندك أرسال *** بلغه ديرة الـجـدان يرثالها
ثم ريـان تـرسـلـه رسـالـه عـجـال *** يـحـضـر أم الفتايل ثم يبرالها
يا بن هـرسـان لا لاحت بروق الخيال *** و أخضرت كل ديرة غصب نمشيلها
مع رياجيل ما تمشي بالأرض الـهـيال *** ولد مطرف تكرم كـل مـن جالها
بعدها أختم بذكر الله عليه أتـكـال *** ثم صلوا على المخـتار يارجالها



وسلامتكم ..

ارمي برصاص الشكر والتقدير
الى أعضاء هذا الصرح الشامخ
والمنتدى منور بكل أعضائه

واشكركم على المرور المشرّف