من الحسيني فخذنا لا نتسبنا ** الشاعر : عيد سمران

حنا رياجيلٍ على الطيب طبنا
وعاداتنا ماهي غريبه على الطيب
*
*
ناقف مواقيفٍ تشرف عربنا
في لحظةٍ فيها الامور المصاعيب
*
*
لاجات في شد المحازم قربنا
وافعالنا يشهد بها ابعيد واقريب
*
*
اخلاصنا منا لوطنا ونسبنا
وولاءنا ماهي غريبه ولاعيب
*
*
موالين بالموقف ولايوم هبنا
يشهد لنا التاريخ مابه مشاذيب
*
*
واللي يشكك في ولانا وادبنا
يجرب بحزات اللقاء منهو يخيب
*
*
اما نبرهن فعلنا مع شعبنا
والا علينا تسفي الريح وتطيب
*
*
حنا حروب وعز من ماحربنا
(عوفان) * ** باللقيا سيوفٍ محاديب
*
*
من الحسيني فخذنا لانتسبنا
تاجٍ تفاخر فيه عكف الاشانيب
*
*
حكيمنا في حكمته علم يبنا
وكبيرنا له قدر بين المعازيب
*
*
رجال بالوقفات حزة نشبنا
الحمدلله اصغر اعيالنا مصيب
*
*
شطٍ على مرساه مجدٍ كتبنا
تاريخ مجد مسطرٍ بالمواجيب
*
*
هذي حقيقه هرجنا ماشذبنا
مثبتات افعالنا بماضي الغيب
*
*
واليوم تحت قيادة المجد طبنا
بذرى عيال العود طيب ومكاسيب
*
*
اللي على حكم الشريعه حكمنا
وعلى كتاب الله حكم مارضى ريب

*
*

شعر / عيد سمران