بندر العوفي و سعيد المطرفي (((محاورة)))

بندر العوفي=
في مجالس حرب حفله وانـا بقـص الشريـط=بعد تـم الافتتـاح امشـي علـى فرشـات زل
يا عرب نبغى سعيد يطب فـي وسـط المحيـط=والحفل يبغـى صفـوف ٍ مـا تكـلّ ولا تمـل




أبو مروج=
جيت أشارك صاحب الحفل في الحفل البسيـط=ياعساهـا فرحـةٍ دايـمـه والخـيـر هــل
كـل رجّـالٍ علـى قــد مايلـبـس يخـيـط=بعد صفي الجو جيتـك علـى سـرع وعجـل



بندر العوفي=
دوم اقول انك سنافي مير اخـاف انـك عبيـط=بعد لبّسنـاه مشلـح ..فـلّ مـدري ويـن فـل
كان ذابحك الكسل يـا صاحبـي خلـك نشيـط=كل نجـم ٍ مـا نبيـه ايغيـب عنـا يـوم طـل



أبو مروج=
الخبر عندك وعندك علمـي اللـي بـه تحيـط=الله أكبر كيف تنشـد وأنـت عـارف ماحصـل
وإن نسيـت العلـم مابينـي ومابينـك وسيـط=قـوم يابنـدر توضـا للصـلاه وثـم صــل



بندر العوفي=
عذركم مرفوض ما يمشي على رجـل ٍ حويـط=نعرف ان الفرق واضح بين ضلـع وبيـن تـل
كيف تسعى فالصفا وانته حِرامـك بـه مخيـط=احمد الله ماني رجل ٍعن طريـق الديـن ضـل




أبو مروج=
جاك عذري وانت أشوفك جيت بالسيف السليـط=لاتزيـد المشكلـه وتكبهـا مـن غيـر حــل
إنتبـه ياصاحبـي لاتحسـب إن الحبـل خيـط=تخلـط الامريـن مـدري مهتـوي ولاّ زعـل



بندر العوفي=
ربي نجّا يوسف المرسـول مـن بيـرٍ غويـط=الامل فالله كبير.. وحـط شمـس وحـط ظـل
العسل صافـي مصفّـى لا تقـول انـه خليـط=والطعـام أحيـان يـا زينـه بفلفـل ولاّ خـل




أبو مروج=
مانحاسب بنـدر الصاحـي ليـا جـاه الغطيـط=نحتملهـا زلـت العاقـل لـوإن الـرجـل زل
اعرف إنه صاحبي مايمشي الـدرب الحطيـط=واعرف إن الحمل مايقـوى عليـه الاّ الجمـل



بندر العوفي=
فيك عرف و لك معزه ماهو هرج ٍ " خيط ميط "=والعتاب اصل المحبه والحشـا مـا فيـه غـل
والعـدو أنـدق راسـه بالحجـر ولا ّبحـيـط=كل صاحب..عندي دايم مـا يهـان ومـا يـذل



أبو مروج=
القلوب نظاف وانت اللي علـى ربعـك قليـط=والمنازل عامـره باللـي نـزل واللـي رحـل
تعبت الرجلين يابـو زيـد مـن كثـر النطيـط=والكـلام أخيـر مافيـه القليـل اللـي يــدل

(((((((((((((((( محاورة اخرا لهما )))))))))))))))))


بندر العوفي=
سلام الله سلام الله سلام الله ثلاث امرار = على من جانا في هالليله الزينه وتابعها

والا يابو مروج اقلط ولك حشمه ولك مقدار = نبي نرضي جميع الناس بالسهره نمتّعها




أبو مروج =

هلا يامرحبا بالشاعراللي يفحم الشعّار = معي باقات ورد أبغاك يابندر توزعها

مادام إنك نزلت السوق زان السوق والاسعار = نبي نلعب على نغمه ننزّلها نطلّعها




بندر العوفي=

يدوم ألك البقا ياللي تجيب الورد والازهار = وخلّ الورد يا صاحب لذيك اللي تدلّعها

بروق ٍ فالسما تبرق شمال وبالمزون امطار = ترى ما عندنا حيله ولا نقدر نسنّعها




أبو مروج =

علامك ياولد عمي علامك تطمرالا سوار = نوزع ورد وإن ولّعتها مثلك نولّعها

نخيل البرق والله يعلم الخافي من الاسرار = مادام إن السيول مفرقه من هو يجمّعها




بندر العوفي=

ترى عاداتنا دايم دلال وريحة الابهار = نسوق ادلال وان تذكر وصاتي لا تضيّعها

مصيبه والمصيبه فالسيول وفالسيول اخطار = بلشنا في سنون الذيب مانقدر نقلّعها




أبو مروج =

شربت القهوه اللي كيفها بالهيل والمسمار = ترانا مانضيقها مادام الله موسّعها

مادام القلب صامل مايهاب الطير أبو منقار = لونّا مافتحنا بابنا ُكنّا نجّوعها




بندر العوفي=
رفيقي يا رفيقي لا تخَلْط اليّن بالدولار = ترى كل المدن خابرك تعرف كلْ شوارعها

يقولون العرب عنتر وهو مثله مثل غوّار = طيور القوم نعرفها ولو تلبس براقعها




أبو مروج =

يزيد الرقم لاحطوا عليه من اليمين أصفار = ديار القوم ولّت بعد ماجفّت مزارعها

تبي تلقى فرج والبسّ دايم مايهاب الفار = يعرفون العرب كل الأوادم في مواقعها




بندر العوفي=
ليا مّنك حرثت الارض يزداد الغبار اغبار = ديار القوم ماولّت وتاكل من منافعها

ترى هرج العرب واجد ولكن فعلهم ما صار = شقوق الثوب ماتنخاط مانقدر نرقّعها




أبو مروج =
ندوس الأرض بالرجلين نمشي مشية الاحرار = وديره ماتعزّ أصحابها لازم نقاطعها

طبايعهم يحسبون المعزّه كثرة الاسفار = حقوق أهل الحقوق ندْورها حتى نرجعها