بسم الله الرحمن الرحيم
وبعد
يقول الشاعر : عبدالمحسن بن عيد الهرساني العوفي
يابدر من حبه غدى القلب مثلوم = وهاظت جروح" من قبل مستتبه
كني صويب صابته عدة سهوم = وجه سهوم العين للي يحبه
وأنا كسير بالهوى آطيح وآقوم = ولا شك صابتني سهوم المحبه
غرو(ن) سقاني بالهوى كاس مسموم = عجزان أواصلبه و ياصعب أكبه
أقذيلة شقراء على وجه موشوم = قبل يتبسم قلت: سبحان ربه
ويوم ان تبسم صارت علومي علوم = شهب اللهب بالجوف يابدر شبه
نار" تلاهب مثل نيران محروم = أبوه مذبوح وعمه يسبه
قدام عينه ذابح أبوه ياقوم = وحرم عليه الدار داره يطبه
مال للطفل حيله وبالصبر ملزوم = حظه مثل حظي رميته بغبه
كن الجسد عقبه تغشاه جاثوم = حتى الطبيب يقول ياصعب طبه
ماله دوى عندي مخطط ومرسوم = ولامرت الحاله بكل الأطبه
القلب من فرقاه غادي به وسوم = وسم على قلبي بعد ما لعبه
والنفس ذارت منه وقلبي له يزوم = وحده تبي فرقاه ووحده تحبه
ومن عقب ماني سيد القوم زيزوم = أصبحت خاضع تحت ملك الأحبه
وجاء الرد من بدر العوفي
ويقول فيه
يا مرحبا باللي حضر يلقي اللوم=لأسباب غروٍ بهذله بالمحبه
طاح بوسط بير الهوى ولا قوى العوم=ما يدري أن الحب بير ومغبه
يا صاحبي ما بالهوى شرع وسلوم=كذا يجي يا حسين من دون سبه
قبلك شربنا كاسة بقدر معلوم=وقبلك بنينا له بهالقلب قبه
إمامها ظالم وأنا عبد مظلوم=ويا شين ظلمٍ تعجز أنك تذبه
إن قلت ما بي قامت أفكار بالكوم=تقول قلبك لا دعى دوم لبه
تجارةٍ والسوم فيها هو السوم=واللي يجيها بالغلط تنكتب به
ما ينفعك فيها نيوتن ولا أوم=ولا تجبر مصابك سواليف ضبه
ما فيه أحد في هالهوى صار معصوم=وما فيه أحد ما ذاق ظلم الأحبه
وما فيه أحد ما صارت علومه علوم=وما فيه أحد ما قال وشلون طبه
منت بغريب بفزتك وأنت مظيوم=مثلك جحافل يا رفيقي تطبه
تنزل له الروس وتعفر له خشوم=وما أحدٍ حوى هالحب إلا أنقلب به
وهذا القدر يا صاحبي شي محتوم=وماهو على الكيف ومرادك تصبه
وشيٍ يديمه ربنا أكيد بيدوم=ما له مرد وما تفيد الأطبه
ومثلك ومثلي يا رفيقي كما التوم=مدري شبه مدري نريد التشبه
ومثلك ومثلي يا رفيقي كما التوم=مدري شبه مدري تريد التشبه
وبعد
يقول الشاعر : عبدالمحسن بن عيد الهرساني العوفي
يابدر من حبه غدى القلب مثلوم = وهاظت جروح" من قبل مستتبه
كني صويب صابته عدة سهوم = وجه سهوم العين للي يحبه
وأنا كسير بالهوى آطيح وآقوم = ولا شك صابتني سهوم المحبه
غرو(ن) سقاني بالهوى كاس مسموم = عجزان أواصلبه و ياصعب أكبه
أقذيلة شقراء على وجه موشوم = قبل يتبسم قلت: سبحان ربه
ويوم ان تبسم صارت علومي علوم = شهب اللهب بالجوف يابدر شبه
نار" تلاهب مثل نيران محروم = أبوه مذبوح وعمه يسبه
قدام عينه ذابح أبوه ياقوم = وحرم عليه الدار داره يطبه
مال للطفل حيله وبالصبر ملزوم = حظه مثل حظي رميته بغبه
كن الجسد عقبه تغشاه جاثوم = حتى الطبيب يقول ياصعب طبه
ماله دوى عندي مخطط ومرسوم = ولامرت الحاله بكل الأطبه
القلب من فرقاه غادي به وسوم = وسم على قلبي بعد ما لعبه
والنفس ذارت منه وقلبي له يزوم = وحده تبي فرقاه ووحده تحبه
ومن عقب ماني سيد القوم زيزوم = أصبحت خاضع تحت ملك الأحبه
وجاء الرد من بدر العوفي
ويقول فيه
يا مرحبا باللي حضر يلقي اللوم=لأسباب غروٍ بهذله بالمحبه
طاح بوسط بير الهوى ولا قوى العوم=ما يدري أن الحب بير ومغبه
يا صاحبي ما بالهوى شرع وسلوم=كذا يجي يا حسين من دون سبه
قبلك شربنا كاسة بقدر معلوم=وقبلك بنينا له بهالقلب قبه
إمامها ظالم وأنا عبد مظلوم=ويا شين ظلمٍ تعجز أنك تذبه
إن قلت ما بي قامت أفكار بالكوم=تقول قلبك لا دعى دوم لبه
تجارةٍ والسوم فيها هو السوم=واللي يجيها بالغلط تنكتب به
ما ينفعك فيها نيوتن ولا أوم=ولا تجبر مصابك سواليف ضبه
ما فيه أحد في هالهوى صار معصوم=وما فيه أحد ما ذاق ظلم الأحبه
وما فيه أحد ما صارت علومه علوم=وما فيه أحد ما قال وشلون طبه
منت بغريب بفزتك وأنت مظيوم=مثلك جحافل يا رفيقي تطبه
تنزل له الروس وتعفر له خشوم=وما أحدٍ حوى هالحب إلا أنقلب به
وهذا القدر يا صاحبي شي محتوم=وماهو على الكيف ومرادك تصبه
وشيٍ يديمه ربنا أكيد بيدوم=ما له مرد وما تفيد الأطبه
ومثلك ومثلي يا رفيقي كما التوم=مدري شبه مدري نريد التشبه
ومثلك ومثلي يا رفيقي كما التوم=مدري شبه مدري تريد التشبه