هــــــــــرســــــــــان
مرحبا ترحيبتـن يـا ربعنـا غالـي ثمنهـا**صافيه مثل البرد يا ربع تـوه مـن سحابـه
ويـن قفابـه زمانـه غيبتـه ننشـده عنهـا**لو يطول الدرب مـن دونـه نوصلّـه كتابـه
راعـــــــــي الـــطـــيـــب
البقا بك في مجالس ما تمـل النـاس منهـا**ثابتـه بالعـز و النومـاس مدهـل لذيـابـه
الزمـان يلـم خلـق الله و يفـرق ضعنـهـا**ومن نصاني في محلـي مالـه الا مرحبابـه
هــــــــــرســــــــــان
الكرم شفناه لا زرنـا الجماعـه فـي وطنهـا**حق للجيران مـا ينسـى ولا حـق القرابـه
صاحبن ليّـه عليّـه غيبتـه طايـل زمنهـا**كل ما لديت يـم الشـرق بيـن لـي سرابـه
راعـــــــــي الـــطـــيـــب
ما عليكم زود يهل الديره اللـي مـا سكنهـا**غير من جود عصاه ولف في راسـه عصابـه
غبت يومي شفت ريمه ملتوي فيهـا رسنهـا**حدرت مع شعب خالي و اختفت بين الشعابـه
هــــــــــرســــــــــان
الحصون اللي منيعه سعد يـا منهـو زبنهـا**عند رجلن بين كل القوم يحسب لـه حسابـه
روح دورها و تلقاهـا المطـارق فـي بدنهـا**أحد داري عن بلا (..فلان..) و أحدن ما درابه
راعـــــــــي الـــطـــيـــب
فيه ناس(ن) تخلف الهقوات و انته منت منها**انت لك ميقاف بين الناس في يـوم الحرابـه
انصحك عنها تجنـب قبـل لا تدفـع ثمنهـا**صاحبي هرسان (يرطن) مير ما فيها غرابـه
هــــــــــرســــــــــان
الفهيـم اللـي ليـا جاتـه بميزانـه وزنهـا**و انت من قوم الوفا و الطيب من قوم المهابه
الحبوب اللي تجمـع فالرحـا دار و طحنهـا**انت لك مده صحيبي مير ضيعـت الصحابـه
راعـــــــــي الـــطـــيـــب
و الغشيم اللي ليا جاته فرك يـده و عجنهـا**وا عذابـه لحتمـا الميقـاف منـا وا عذابـه
انت خالي و انت غالي و انت من تامر و تنهى**ما قصدتك بالعلـوم الاولـه فـي كـل جابـه
هــــــــــرســــــــــان
حي هذا الرجل يـوم السالفـه فـز و مكنهـا**و الله انـه ينتنومسبـه و دايــم يعتـزابـه
يكرم الصدقـان و العـدوان لا جاتـه غبنهـا**رامي البندق ليا منـه رمـى وثـق صوابـه
منقول