قصيدة ترحيبية .

ارعدت عندي مزون الشعـر يالله الثبـات
من رعدها لج فكري وانتثـر خيـرً كثيـر

امطرت ثم ارتوى القاع وتغطـى بالنبـات
زاهيً عشبه يخلي مـن يشوفـه يستثيـر

تعرض افكاري عليه مثل عرض الصافنات
ثم انقـي مايجملنـي واسرجهـا واغيـر

اقبلـن كـل الغيـوم بثقلهـن مترادفـات
كلبوهن يمطـرن بالعـز والطيـب الغزيـر

لو جلست امدح فعايلكـم تشيـب القافيـات
البحر يفنى وبحر امجادكـم قاعـه غويـر

قمت عن ربعي وكل قلوب ربعـي قايمـات
جمعنا واحد وواحدنا عـن الجمـع الغفيـر

واشهر اقلامي واورد في مياديـن الـدوات
لين اسيل ساحة الميدان بالسيف الشطيـر

يازبون اللي تعزوى من مضاهيد الطغـات
ياعلاج الشـر لاقامـت شضياتـه تطيـر

نسـأل الله السلامـه والستيـرة والغنـات
والتحية عذرها يعطـى بـالاول والاخيـر

شكرا لك شاعرنا ويعطيك العافيه